Дэлхийн хамгийн хаалттай орнуудын нэг болох Умард Солонгосын амьдралыг харуулан багаахан цомгийг танилцуулж байна.  Гадаадын гэрэл зурагчид БНАСАУ-д аялах үед камерын дуранд нь нэлээн гундуухан царай зүстэй, нэг л хэвийн хүмүүс буудаг байсан бол сүүлийн жилүүдэд өөрчлөгдөж байгааг анзаарах болжээ.

Нийслэлийнх нь өнгө төрх, тэнгэр баганадсан барилгууд, дотооддоо үйлдвэрлэсэн ухаалаг утас барьж хөгжилдсөн залуу үе, нэмэгдсээр байгаа утасгүй интернэтийн орон зай, нэг хэвийн биш олон төрлийн загвартай хувцас өмсөх болсон дунд эргэм насныхан гээд Хойд Солонгосын төрх байдал өөрчлөгдөж байгаа нь доорхи зургуудаас анзаарагдана.

Энэ улсын удирдагч, чучхе номлолын үндэслэгчдийн гурав дахь үе Ким Чен Уны засаглал ер нь л сүүлийн хэдэн жилийн дотор хатуу, харгис байдлаа багасгаж байгаа нь ард иргэдэд нь ч анзаарагдах болсон ба энэ байдал нь гадаад харилцаанд нь орж байгаа өөрчлөлтөөс ч мэдрэгдэнэ хэмээн барууны хэвлэлүүд, Өмнөд Солонгост ч бичих болсон байна.