301 хүнтэй онгоц тэр чигээрээ шатсан хачин түүх

Энэ явдал бол агаарын тээвэртэй холбоотой хамгийн хачирхалтай, хамгийн байж боломгүй гэмээр осол гэгддэг билээ.

1980 оны 8-р сарын 19 нд Саудын Арабын Эр-Риядаас Lockheed L-1011 TriStar онгоц хөөрч байлаа. Бараг шинэхэн шахам энэ онгоцны дарга Мухаммед Али Ховитер дуу аялан онгоцоо хөөргөж байх үед онгоцны бүхээгт утаа мэдрэгдсэн гэсэн түгшүүрийн дохио гарав. Энэ дохиогоор бол ачааны хэсэгт ямар нэг утаа гарсан бололтой. Нисэх онгоц дотор утаа гарна гэдэг маш аймшигтай зүйл бөгөөд нисэхийн биш жирийн хүнд ч энэ нь ойлгомжтой зүйл. Гэтэл дарга дуу аялсан чигээрээ утаа мэдрэгдсэн хэсгийн агаар сэлгэх төхөөрөмжийг унтраан нислэгээ үргэлжлүүлэв. Удалгүй өөр нэг газарт бас утаа гарлаа гэсэн дохио дуугарахад мань эр “буцаж таарах нээ дээ” гэсэн юм хоёрдугаар нисгэгчдээ хэлэн байсан гэдэг.