Афган-Их Британийн анхны дайн буюу 4500 цэргээс ганцхан хүн амьд үлдсэн нь

 1800-аад оны үед Британийн Энэтхэг дэх ашиг сонирхолд Орос гэдэг улс ихээхэн гай болох шинжтэй болж ирлээ. Оросын эзэнт гүрэн улам бүр тэлж томрон удалгүй Их Британитай (Энэтхэгтэй) хил залгах шинж бий болсон нь тэдний хувьд байж боломгүй зүйл. Тиймээс хойд талдаа найдвартай түшиц газартай болох шаардлагатай буюу Афган нутгийг тэр чигээрээ бүрэн хянах хэрэгтэй болжээ.

Тухайн үеийн Афган нь энд тэндгүй жижиг хаадтай, тэд нь хоорондоо байнга л байлдаж байдаг нутаг байсан ба Англичуудын хувьд энэ нутгийг мэдэлдээ оруулж, нэгдсэн нэг тоглоомын улс болгох нь их л амархан санагдаж байсан бололтой.