Америк, Зөвлөлтийн хооронд болсон 1953 оны агаарын хэрэг явдлууд

Зөвлөлтийн Номхон далайн флотын Ил-12 онгоц Порт-Артураас Владивосток чиглэн Хятадын нутаг дээгүүр 12 000 метрийн өндөрт нисэж явлаа. Солонгосын дайны үеэр иймэрхүү нислэгийг хэдэн зуугаар нь хийдэг байсантай адил энэ удаа ч урьдаас ялгарах юмгүй.

 Хятадын цагаар өдрийн 12 цаг 28 минутад гэнэт Америкийн 4 ширхэг F-86 сөнөөгч гарч ирэн энэ онгоцыг дайрч буудан унагасан ба Ил дотор нийт 20 хүн байсан бөгөөд ихэнх нь Зөвлөлтийн нисэх хүчний алсын зайны тагнуулын нислэгтэй холбоотой хүмүүс байсан гэдэг. Тэдний 5 нь Сейбрийн суманд оногдож үхсэн бол 15 нь онгоц газар мөргөн унахад нас барсан байжээ. Онгоцонд нийт 19 сумны нүх байсныг сүүлд хийсэн мөрдөн шалгалтаар тогтоосон байна.