Америкчууд саран дээр хүн буулгаж

Америкчууд саран дээр хүн буулгаж, түүнийгээ батлан хэд дахин давтаж, Зөвлөлтийн сансар судлалыг ардаа орхисноо дэлхий нийтээр зарлаж том ялалт байгуулан сүйд болж байлаа. Асар их хөрөнгө зарж байж бүтээсэн энэ ажлын дараа дахин сар луу хүн болон хиймэл дагуул явуулах ямар ч улс төр, эдийн засаг,техникийн хувьд ач холбогдолгүй болсон байв. Одоо яах вэ? Тухайн цагийн техникийн “шилээвэр” болсон Сатурн-5 зөөгч пуужин гэдэг мөнгөний мангасыг цаашид хэрхэн ашиглах вэ? Оросууд Н-1-ээ зүгээр л устгаж байсан шиг дуусгах хэрэг үү?

Америкчууд Зөвлөлүүдийг дахин нэг далаар нь тавихаар зэхэж эхэллээ. Энэ удаа сансрын станцыг тойрог замд гаргахдаа Сатурныг ашиглах болсон бөгөөд Америкийн сансрын станц болох Скайлэб нь (Skylab ) “Оросуудын” хийж байсан, хийж байгаа Салют 1 болон Салют 2 станцуудын хажууд хамаагүй илүү том, астронавтууд бүр усанд орох боломжтой, өөрийн гэсэн бяцхан өрөөтэй ... гээд юм болгоноороо илүү байв.