Babylift ажиллагаа

 Аюулгүйн бүсээр хамгаалсан төдий нялх хүүхдүүдийг онгоцоор зөөн явж байгааг харуулсан энэ зургийг үзсэн хүн болгоны дотор нэг л эвгүй болно. Хажууд нь том хүн байхгүй, тэгээд энэ олон нялх хүүхдүүдийг яалаа гэж ингэж...

Энэ алдартай зургийг 1975 оны 4 сар буюу Вьетнамын дайн төгсгөл хэсэгт авчээ.

Америк болон Өмнөд Вьетнам нь дайнд ялагдаж хойдууд хэзээ мөдгүй Сайгоныг эзлэн авах болоод байсан тэр үед Өмнөд Вьетнамын 3000 гаруй хүүхдүүдийг ганцхан сарын дотор Америк, Австрали, Франц, Холбооны Бүгд Найрамдах Герман улс (Хоёр Герман нэгдэхээс өмнөх баруун Герман) зэрэг улс руу ийнхүү гаргасан байна. Уг ажиллагааг «Babylift» хэмээн нэрлэсэн бөгөөд Вьетнамын дайны үеийн хамгийн энэрэнгүй, бас хамгийн хэцүү ажиллагааны нэг болсон юм.