Байшин мөргөсөн онгоцууд

Нийтлэлч Чалчаа саарал

2001 оны 9-р сарын 11-ний террорист халдлага бол түүхийн цоо шинэ зүйл биш юм. Түүнээс өмнө ч хойно ч өндөр байшингуудыг онгоц мөргөж байсан олон тохиолдлууд бий бөгөөд цаашдаа ч цөөнгүй гарах биз ээ.

Empire State Building-г мөргөсөн B-25

1945 оны 6-р сарын 28 ны өглөөний 9 цагийн үед B-25  бөмбөгдөгч онгоц Нью-Жерси чиглэн нисэж явжээ. Яг Манхэттен арлын дээр ирэх үед битүү манан будан татаж харагдах орчин муудсан байна. Цаг агаарын ийм нөхцөл байдлын улмаас В-25-ийн дарга хурандаа Уильям Смитийг Ньюаркд буухыг хориглолоо гэсэн мэдээг газраас өгөхөд хурандаа уурлан “ямар ч байсан бууна” гэж маргалдаж эхэллээ. Маргаан маань сүүлдээ бараг хэрүүл болж хувирсан ба энэ хэрүүлдээ хамаг анхаарлаа хандуулсан онгоцны дарга яг тухайн үед хаана яваагаа ойлгохоо байжээ. НьюАрк нисэх буудал руу эргэх цаг болсон гэж үзсэн хурандаа уурандаа онгоцоо огцом эргүүлтэл өмнө нь гэнэт нэгэн байшин гарч ирсэн нь Empire State Building.