Челленжерийн сүйрэл

Нийтлэлч Чалчаа саарал

Америкчууд саран дээр хөл тавьж сансрын уралдаанд том ялалт хийсний дараа энэ амжилтад нь баярлаж бахархаж байсан ард түмний сэтгэл хөөрөл цагийн урсгалд аажмаар дарагдаж тэрхүү том ялалт нь чухам үнээр, хэчнээн долларын үнээр бий болсон тухай таагүй гэх үү, илүү байдлыг эрүүлээр харах гэсэн оролдлого гарч эхэллээ. Сансарт зарцуулах хөрөнгө мөнгө ч багасах шинж тэмдэг бий болсон бөгөөд дахин нэг ялалтаар, дахин нэг “челленжээр”, илүү хямд төсвөөр Америкчуудын анхаарлыг татаж, түүгээр дамжуулан урьдын их төсвөө хадгалах шинэ төсөл хэрэгтэй боллоо. НАСА-ч үүнд бэлэн байсан нь сансрын олон дахин ашиглах Спэйс Шаттл төсөл байв.