Дайснаа аварсан нь

Нийтлэлч Чалчаа саарал

Дайн байлдааны үеэр дайснаа авран хамгаалах нь алж устгаснаасаа илүү гавьяатай хэрэг гэж тооцогдох нь олонтой. Одоо өгүүлэх түүх нь Америкийн бөмбөгдөгч онгоцны дарга Чарли Браун, Германы сөнөөгч онгоцны нисгэгч Франц Штиглер нарын тухай бөгөөд энэ хэрэг явдлыг 2-р дайны үеийн хамгийн хүнлэг энэрэнгүй үйлсийн нэг хэмээн үздэг билээ.

1943 оны 12-р сарын 20 ны өдөр Америкийн 419 B-17, 127 B-24, нийт 546 онгоц Германы Бремен хот дахь үйлдвэрийг бөмбөгдөхөөр нисэж явлаа. Тэднийг хамгаалахаар 491 сөнөөгч онгоц дагалдаж явсан бөгөөд энэ 1000 гаруй онгоц ямар их айхтар сүйрэл учруулж чадах тухай яриад ч яахав.