Дунай мөрний эрэг дээрх эмгэнэлт хэрэг

 Нийтлэлч Чалчаа саарал

Энгийн хувцастай энэ эрхэм бол 1944-1945 оны үед Унгарын үндэсний удирдагч, национал-социалист намын тэргүүн байсан Ференц Салаши гээч хүн. Тухайн үеийн Европын олон жижиг улс орны удирдагчийн адил Гитлерийн хий гэсэн болгоныг хэмжээнээс нь хэтрүүлж, үнэнчээр хийдэг, үүнийгээ харуулах гэж улайран дайрдаг тийм хүн байв. Гэхдээ энэ хүний хувьд бусдаас ялгарах нэг онцлог байсан нь 1944 он буюу ЗХУ-ын улаан арми нь Германы холбоотон болох Унгар улсын хилд тулаад ирсэн тэр үед өөрийгөө ямар мундаг “ари” гэдгээ, Гитлерт хэрхэн үнэнч гэдгээ тод томоор харуулж чадсан явдал юм. Уг нь тэр цагт Гитлерийн хамаг холбоотнууд суурин дээрээ 180 хэм эргэж “Оросуудтай” нийлэн Германд дайн зарлаж байсан үе билээ.