Эхнэртэйгээ буудуулсан Ерөнхийлөгч

Ерөнхийлөгч?! Хуучин социалист орны удирдагчийг яахаараа ерөнхийлөгч гэж нэрлэж байдаг билээ гэсэн эргэлзээ танд төрж болох юм. Гэтэл үнэхээр Чаушески нь ерөнхийлөгч байсан бөгөөд өөрийнхөө хашдаг албан тушаалаа ийн нэрлэсэн нь бас тодорхой учир начиртай байсан юм гэнэ лээ.

Чаушески засгийн эрхэнд гарсныхаа дараа төрийн том албан тушаалуудад өөрийн итгэл найдвартай хүмүүсийг тавьж, улс орны дотоод болон гадаад бодлогод хамаагүй бие даасан бодлого баримтлах болсон байна. Социалист улсын хувьд ЗХУ-тай тун сайн харилцаатай боловч Хятадтай бас ийн харилцахаасаа айдаггүй, Зөвлөлтийн арми Афганд орсныг шүүмжилдэг, ЗХУ-аас Болгар хүрэх төмөр замыг өөрийн нутгаар дайрахыг зөвшөөрдөггүй ...гэх мэт. Тухайн үеийн социалист нийгэмд байж болмооргүй гэмээр том толгойтой нөхөр байв. Ямар сайндаа л ерөнхийлөгч байх вэ дээ.