Агаарт бут үсрэх ёстой байсан онгоц

1988 онд Boeing 737-ийн дээвэр агаарт хуулагдан салав. Тавцан дээр 95 хүн, зорьсон газар хүртэл 35 минут. Тэд яаж амьд үлдэв?

Нийтлэлч Чалчаа саарал

1988 оны 4-р сарын 28 нд Aloha Airlines компанийн Boeing 737-297 онгоц Хило-Гонолулу чиглэлд хөөрөх үед онгоц дотор багийн 6 гишүүн, 89 зорчигч байжээ. Зорьсон газраа хүрэхийн тулд ердөө 35 минут нисэх ёстой байсан бөгөөд газраас тасрах болон нислэгийн эхэн үеэр бүх зүйл хэвийн байлаа. 7300 орчим метрийн өндөрт гараад байх үе буюу хөөрснөөс хойш 23 дахь минутад гэнэт маш хүчтэй дуу чимээ гарч онгоцны бүхээгийн урд тал -бизнес салоны дээд хэсэг зад үсрэн 35кв.метр орчим онгорхой нүх гарчээ.