Friendly Fire буюу дайныг эргүүлсэн ганц сум

 Аливаа дайн тулалдаанд Friendly Fire буюу өөрийн талыг дайсантай андуурч буудах гэсэн нэг аймшигтай зүйл бий. Ийм явдал маш олон, бүр дэндүү олон гардаг бөгөөд ямар ч хэмжээний дайнд заавал гардаг зүйлийн нэг билээ. Бидэнд хамгийн ойрын жишээ бол Халх голын дайны үеэр Зөвлөлтийн нисэх хүчнийхэн Монголын морин цэргийн ...-дугаар хороог (6,8, 15-р хороо гэж янз бүрээр л ярьдаг) Баргын морин цэргүүдтэй андуурч бөмбөгдсөн нэгэн харамсалтай явдал юм.

Ингээд иймэрхүү явдлын тухай хэд хэдэн тохиолдлыг цуврал хэлбэрээр сонирхуулах ба эхнийх нь 1941 онд өрнөсөн Ирак-Английн дайны үед (Anglo-Iraqi War) болсон юм.