Гай болсон урвагч

Нийтлэлч Чалчаа саарал

1961 оны 12-р сарын нэгэн өдөр Хельсинк дэх АНУ-ын элчин сайдын яамны байранд нэгэн хүн орж ирэн өөрийгөө Финланд дахь ЗХУ-ын элчин сайдын яамны ажилтан Иван Климов гэж танилцуулаад зарим нэг хүний нэр хэлэн уулзах сонирхолтой байгааг илэрхийлжээ. Тэдгээр хүмүүс нь АНУ-ын дипломатууд нэртэй ТТГ-ийн ажилтнууд байлаа.

Америкчууд энэ хүнийг өөрсдийн шугамаар шалгаж үзтэл КГБ-ийн ажилтан хошууч Анатолий Голыцин гэдгийг тогтоолоо. Хэдийгээр дөнгөж хошууч цолтой боловч ямар ч байсан КГБ-ийн ажилтан учраас их юм хэлж өгч чадна гэж ТТГ үзээд, дараагийн уулзалтаар чухам ямар хэмжээний хүн болохыг, цаашдаа яаж хамтарч болох талаар тодорхой мэдээлэл, төсөөлөл авахаар бэлдэж эхэлсэн байна.