Генералисмус Чан Кай Шигийн хийсэн хэрэг

Дайны явцад дайсныхаа янз бүрийн үйл ажиллагааг тасалдуулах гэж өөрийн амиа золиосолсон баатруудын тухай олон зуун түүх бий. Японы камиказе-нууд, Зөвлөлтийн Матросов, Гастелло-нууд, Вьетнамын битүү шугуйд хоёр гараараа нэг шөнийн дотор хэдэн арван км нууц нүхэн хонгил ухаж, үхэж байсан тариачид... гээд бүх л улс оронд өөрийн гэсэн ийм баатрууд бий. Тэгвэл энэ удаа Хятадуудын олон хүнийхээ амийг золиосолж дайсныхаа дайралтыг зогсоосон тухай.  Гэхдээ энэ нь баатарлаг явдал биш балмад үйлдэл байлаа...

1938 оны зун Японы армийн Хятадын урд зүг рүү  хийж байсан эрчимтэй дайралтыг зогсоох хүч Чан Кай Ши-д ч тэр, коммунистууд ч байсангүй. Хүчирхэг дайсан нь зогсолтгүй урагшилж байсан бөгөөд энэ байдлаараа бол жилийн өмнө Нанкинд болсон шиг явдал дахиад олон хотод тохиолдож болох байв. Япончуудыг яаж ийж байгаад зогсоох хэрэгтэй. Чухам яаж?