Гурван бэрсийн нүүдэл

 Нийтлэлч Чалчаа саарал

Саяхан гарсан “Бэрсийн нүүдэл” (The Queen's Gambit) кинонд нэгэн эмэгтэй шатарчны тухай, тэрээр хэрхэн эрчүүдтэй үзэлцэж, дэлхийн хамгийн шилдэг шатарчдыг хожиж байгаа тухай уран сайхны аргаар, ихээхэн зохиомол боловч сонирхолтойгоор харуулдаг билээ. Харин бодит түүхэнд ийм хүн байсан юм болов уу?

Унгар улсын иргэн Ласло Полгар гээч нэгэн эр нь үр хүүхэдтэй болбол тэднийгээ жинхэнэ сод ухаантнууд болгоно гэж боддог, тооцоолдог, төлвөлдөг нөхөр байж. Хүүхэдтэй болох байтугай эхнэр ч аваагүй байхдаа ийм том юм ярьж байсан энэ нөхөр нь зүгээр нэг амны пангаар бурж байсангүй, үнэхээр ийм байж болно гэдэгт хатуу итгэж байв.