Ямамотог ангуучилсан нь

Нийтлэлч Чалчаа саарал

Исороку Ямамото бол тэнгисийн цэргийн хамгийн шилдэг жанжны нэг бөгөөд Японы ард түмний дунд хамгийн ихээр хайрлагдсан цэргийн зүтгэлтэн билээ. Тэрээр 1905 онд Цусимын их тулалдааны үед Ниссин хөлөг дээр дайтаж байсан, нэгэн тулалдааны үед Оросын их бууны сум бараг л хөл доор нь тэсэрсэн боловч ердөө гарын хоёр хурууг нь тас татсанаас өөр ямар нэг гэмтэл аваагүй, дараа нь буюу 36 жилийн дараа Перл Харборт гялалзсан амжилт гаргаж АНУ-ын том цэргийн флотыг устгасан, түүнээс жил хагасын дараа дайсныхаа маш нарийн зохион байгуулсан отолтод орж амь үрэгдсэн гээд жинхэнэ цэрэг амьдралаар амьдарсаар дууссан хүн юм.