Японы тэнгэрт болсон хамгийн том осол

Япон хүмүүсийн нөр хичээнгүй, ажил төрөлдөө үнэн сэтгэлээсээ ханддаг талаар дэлхий даяар шагшин гайхдаг. Гэтэл Японд болсон агаарын хамгийн аймшигтай, хамгийн их хүний амь эрстсэн осол чухамхүү хүний хайхрамжгүй байдал, дүрэм журмыг үл тоосон явдлаас болж гарчээ. Энэ бол 1985 оны 8-р сарын 12 нд болж 520 хүний амь насыг аван одсон тэр нислэг байлаа. 

Токиогийн Ханеда нисэх буудлаас Осака хүрэх  Boeing 747SR-46 онгоц 18 цаг 12 минутад нисэхээр гарсан бөгөөд энэ нислэг нь ойрын зайн нислэг буюу ердөө л 54 минут нисэн зорьсон газраа хүрэх ёстой байв. 550 хүн багтаах боломжтой болгож янзалсан уг онгоц энэ өдөр 509 зорчигч, 15 багийн гишүүнтэйгээр 49 настай Масами Такахама даргатай, 39 настай Ютака Сасаки хоёрдугаар нисгэгчтэй маш туршлагатай багийн удирдлага дор хөөрсөн байна.