Камиказе гээчийн тухай хэдэн үг

Нийтлэлч Чалчаа саарал

Хубилай хаан тэртээ 1274 болон 1281 онуудад Японыг эзлэх гэж их флот хөдөлгөсөн боловч далайн хар шуурганы улмаас болж тухайн цагийн хамгийн том флотоо тэр чигээр нь алдаж байсан түүхтэй билээ. Япончуудын аврал болсон тэр их салхийг “бурхны салхи” “бурхны бэлэг”  гэсэн утгатай камиказе гэсэн үгээр нэрлэсэн бөгөөд тэр явдлаас хойших он жилийн явцад энэ үгний утга нэлээдгүй өөрчлөгдөн хувирчээ.

Орчин цагийн зарим хүмүүст камиказе гэдэг нь гэмгүй олон хүний дунд давхиж орон бөмбөг тэсэлдэг террористуудаар төсөөлөгддөг бол өөр нэг хэсэг нь дайсны онгоцыг сөнөөх, гэмтээх гэж амиа золиослогч улангассан хэнээтнүүд хэмээн харагддаг.