Хачирхалтай гэмт хэргүүд

Нийтлэлч Чалчаа саарал

1976 оны нэгэн өдөр Бейрут дахь Канадын элчин сайдын яаманд тэндхийн 20 гаран ажилтныг барьцаалсан хэрэг гарчээ. Дан АК буугаар зэвсэглэсэн эдгээр барьцаалагчид нь тэр даруй Канадын засгийн газарт шаардлагаа тавьж эхэлсэн ба энэ нь Рэтлснейк арлыг (Канад) буцаан өгөх, тэнд баригдаж байгаа паркийг гүйцээж барих зөвшөөрлийг нэн даруй сэргээх гэсэн зүйл байв. Өөрөөр хэлбэл Канадчууд хаа байсан Бейрутэд очиж Канадын элчин сайдын яамыг барьцаалж, Канад дахь барилгын асуудлыг шийдэхийг шаардсан гэсэн үг.

Хэрэг явдал үүссэн шалгаан нь их энгийн буюу Рэтлснейк арал дээрх парк барих ажлыг хэн нэг сайдын тушаалаар зогсоон, газрыг нь хүчээр “худалдан авах” шийдвэр гаргасан байж. Хамаг мөнгөө энэ аралд зарсан эр уурандаа хамаатан садан, найз нөхөд болох хэдэн хүнээ цуглуулж аван Бейрут орсон нь тэр бөгөөд хүн барьцаалах хэмжээний юм болсны дараа Канадын засгийн газар сандран үймэлдэж, террористуудтай тохиролцоонд хүрчээ.