Халифаксын дэлбэрэлт

Хүний хайхрамжгүй байдал хотыг бүхэлд нь сүйрүүлж чадах уу? 1917 оны Халифаксын дэлбэрэлт үүнийг харуулав.

Нийтлэлч Чалчаа саарал

Хүн төрөлхтний түүхэнд, ялангуяа техникийн хөгжил өндөрт гарсан сүүлийн хоёр зуунд хувь хүн болон хэсэг бүлэг хүмүүсийн хариуцлагагүй байдал, хувиа бодсон зан, арчаагүй үйл хөдлөлөөс болж мянга мянган хүний амь насанд хүрсэн олон осол болж байсан билээ.

1917 оны 12-р сарын 6 Канадын Галифакс (Halifax)хэмээх хотын боомтод ер бусын хүчтэй дэлбэрэлт болж боомт төдийгүй, хотын ихэнх хэсэг эвдэрч сүйрсэн байдаг. Нурсан байшин барилга дор 2000 гаруй хүн дарагдаж, хөлдөж, дараа нь гарсан түймэрт шатаж үхсэн бөгөөд 9000 гаруй хүн гэмтэж бэртэж, 400 хүн хараагүй сохор болон үлджээ. Энэ дэлбэрэлт нь цөмийн бөмбөг дэлбэрэх хүртэлх хамгийн том дэлбэрэлт байсан юм.