Халимагийн талд болсон нэгэн тулалдаан

Нийтлэлч Чалчаа саарал

1942 оны зун Гитлерийн Германы арми Кавказын нутаг руу зүтгэн, Зөвлөлтийн нефтийн хангамжийг таслах гэж үзэлцэж байсан цаг үе. 8-р сарын 12 нд Германууд Халимгийн нийслэл Элстэйг эзлэн авч улам бүр урагшилсаар Хулхуту хэмээх нэгэн тосгонд хүрсэн байна. Гэхдээ энэ сууринд Германы гол хүч биш цөөхөн тооны цэрэг бүхий моторжуулсан нэгтгэл очсон ба Зөвлөлтийн тал Германы үндсэн хүчийг энд хүрэлцэн ирэхээс ихээхэн эмээж байлаа. Хэрвээ гол хүч нь энэхүү чухал зангилаа болсон Хулхуту сууринд ирж чадвал Германууд Кавказ руу довтлох бас нэг сайн түшиц газартай болох байв.