Хамгийн богино дайн

 Хүн төрөлхтний түүх гэдэг бол тэр чигээрээ дайн байлдаан, тэмцэл өрсөлдөөн байсан гэдэг. Тэрхүү олон дайны зарим нэг нь өвөрмөц, хачирхалтай байдлаараа өөрийн эрхгүй сонирхол татдаг бөгөөд 330 жилийн дайн, 300 хүнтэй тосгон Европын хүчирхэг гүрэнтэй хийсэн 100 жилийн дайн, модон хувингаас болсон дайн, өөртэй нь дайтаж байгааг мэдээгүй өнгөрсөн нь ...гэх мэт хачин хачин юм их бий. Энэ удаа Гиннесийн номонд “хамгийн богино хугацаанд үргэлжилсэн дайн” хэмээн тэмдэглэгдсэн Англи Занзибарын  дайны тухай.

Оманы султанатын хэсэг болох Занзибар нь боолын худалдааны үеэс баяжиж, хөгжиж цэцгэлсэн газар нутаг байгаад 1861 онд гэв гэнэт тусгаар улс болохоор бослого хөдөлгөөн гаргаж амжилтад хүрчээ. Ихэнх л бослогын адилаар улс орныхоо тусгаар тогтнол, эрх чөлөөний төлөө гэсэн нэртэй тэмцэл нь үнэндээ тээр холын, их гүрнүүдийн хийж байгаа ажил байлгүй яахав.