Хэлмэгдлийн золиос болсон Халх голын баатар Смушкевич

Халх голын тэнгэрт ялалт авчирсан Яков Смушкевич жанжин. Хоёрхон жилийн дараа өөрийнхөө улсад буудуулав.

Нийтлэлч Чалчаа саарал

Яков Смушкевич гэдэг нэрийг Монголчууд бид сайн мэднэ, үгүй дээ л мэддэг байлаа. 1939 онд, Халх голын тэнгэрт байгуулсан ялалт нь энэ хүнтэй салшгүй холбоотой бөгөөд энэ тухай Халх голын тэнгэрт: Агаарын тулаанууд өргөжиж эхэллээ зэрэг цуврал нийтлэлдээ бичиж байсан билээ. Харин энэ удаа ЗХУ-ын 2 удаагийн баатар, БНМАУ-ын байлдааны гавьяаны улаан тугийн одонт еврей эр нь хэрхэн Сталины хэлмэгдүүлэлтийн машинд няц даруулсан тухай сонирхуулъя.

1902 онд төрсөн Яков иргэний дайны үеэр улаантны талд тулалдаж, батальон хороо захирч байгаад 1922 оноос Минскт байгуулагдсан нисэх эскадрилийн зохион байгуулагчийн албанд шилжсэнээр нисэх хүчинтэй амьдралаа холбожээ.