Хорих лагерийн эх баригч

Нийтлэлч Чалчаа саарал

Хорих лагерийн эх баригч ийнхүү дурсаж үлдээжээ.

Польшийн эх баригч Станислава Лещинскийн 1943-1945 онуудад Германы хорих лагерьт ажиллаж байсан үеийн дурсамжаас:

“Миний ажиллах ёстой гурван барак нь (хоригдлуудын байрлах газар) завсар заалхай болсон модон байшин, нүх сүв болгоноор нь харх гүйлдсэн тийм л газар байлаа. Хана дагуулж барьсан 3 давхар орнуудын нэг хэсэгт 3-4 хүн чихцэлдэн унтах ба сүрлээр хийсэн бохир муухай гудас байна. Сүрлээр хийсэн гэж хэлж байгаа боловч үнэндээ тэр сүрэл нь аль хэзээний үйрч бутран тоос болон алга болсон учир хоригдол эмэгтэйчүүд шууд л банзан дээр унтаж байгаагаас ялгаагүй байлаа. Бас тэр банзан ор нь харуулдаж засаагүй, овгор товгор ихтэйг нь яана.