Хурандаа Будановын хэрэг явдал

Нийтлэлч Чалчаа саарал

Чеченийн 2-р дайн үеэр “Будановын хэрэг явдал” гээч айхтар шуугиан Орос орон даяар болж, манай хэвлэл мэдээлэл ч энэ тухай сайн муугаар чамгүй бичиж байсныг зарим нэг нь сайн санаж байгаа биз ээ.

Болсон явдлыг хуурай баримтаар илэрхийлэхэд: Оросын армийн офицер Юрий Буданов гээч эр 2000 оны 3-р сард Чеченийн 18 настай Эльза Кунгаева хэмээх охиныг байцаалтын үеэр алжээ. Хэргийг мөрдөн шалгах үед энэ офицерыг хэрэг хүлээх чадваргүй гэсэн эмнэлэгийн дүгнэлт гарсан боловч Чеченийн болон Оросын либерал хүчний ширүүн эсэргүүцэлтэй тулгарч, дараа дараагийн шинжилгээгээр хэрэг хүлээх хязгаарлагдамал боломжтой, хэрэг хүлээх бүрэн чадвартай гэх мэтээр өөрчлөгдөж байсан юм.