Киска арлыг эзэлсэн нь

1942 оны зун Япончууд АНУ-ын газар нутаг болох Киска болон Атту арлуудыг эзлэн авч тэнд байрлах АНУ тэнгисийн цэргийн цаг агаарын станцуудыг устгажээ. Америкийн тагнуулын мэдээгээр 10 000 гаруй Японы цэргүүд эдгээр арал дээр байрласан ба тэдний дотор нэлээдгүй тооны инжинерийн ангиуд байсан нь ямарваа нэг томоохон бэхлэлт барьж байгуулж байж болох юм гэсэн дүнэлтэд хүргэсэн байна.

Удалгүй энэ арал дээр агаараас эсэргүүцэн хамгаалах систем, шумбагч онгоцны туслах бааз байгуулж байж болох тухай мэдээлэл авсан ба Атту арал дээр 2500 орчим цэрэг, Киска арал дээр 5400 цэрэг байна гэсэн тагнуулын баримт материалтай болсон Америкчууд бүтэн жилийн турш хааяа хааяа сандаргах ганц нэг бөмбөгдөх, тагнуулын нислэг хийсээр 5 сараас бөмбөгдөлтөө бүр ч эрчимжүүлж эхэлжээ.