Маршал Неделиний сүйрэл

1960 он. Зөвлөлтийн хилийг тойрон байрлах Америкийн хүнд бөмбөгдөгч нисэх онгоцны өөдөөс  “Оросуудын” өөрсдийн хэлдгээр “оготно үргээчих олигтой саваа ч үгүй” үе байлаа.  Гэхдээ Зөвлөлтийн анхны алсын тусгалт хүнд пуужинг үйлдвэрлэн туршихад бараг бэлэн болж байсан бөгөөд 11-р сарын 7 ноос өмнө, Октябрийн баярын бэлэг болгон нам засгийн тэргүүний өмнө энэ пуужинг амжилттай туршсан тухай мэдэгдэхээр маш яарч байв. Энэхүү нэлээд ирээдүй бүхий тив хоорондын баллистик пуужин нь шатахуунаар цэнэглэгдсэн байдлаар удаан хугацаагаар (30 хоног) байх боломжтой нь тухайн үед маш чухал зүйл бөгөөд техникийн хувьд маш нарийн төвөгтэй уг пуужинг туршилтад яг таг бэлэн болгохын тулд Байконурт хүмүүс өдөржин шөнөжин ажиллаж байв. Туршилт болохоос гурван хоногийн өмнө маршал Неделин (Стратегийн зориулалтай пуужинт зэвсгийн ерөнхий захирагч)ажлыг шуурхайлахаар өөрөө энд ирж зохион бүтээгч Янгелийг шавдуулсаар.