Нисгэгчээ гээсэн онгоцнууд

Өмнө нь бичиж байсан Зөвлөлтийн нисгэгчгүй болсон Миг-23 хоёр ч улсын хил даван ниссэн тухай түүхийг энэ удаа өөр бусад төстэй түүхээр үргэлжлүүлье.

1970 оны 2-р сарын 2 ны өдөр АНУ-ийн Монтана мужийн Малмсторм хэмээх нисэх баазад байрлах сөнөөгч онгоцнууд  “хоёр нь хоёрын эсрэг” гэсэн байдлаар агаарын тулалдаан хийх бэлтгэлээ хийж байлаа.  Уг бэлтгэлд оролцож байсан  Convair F–106 Delta Dart амдан сөнөөгчийн нисгэгч Гари Фауст 12,5 км-ийн өндөрт байх үедээ өрөмд орж унаж эхэлсэн байна. Өрмөөс гарах олон оролдлого хийж бүр буух үед хэрэглэдэг салхи хаагч, шүхрээ хэрэглээд ч чадвар дутсан бололтой гарч чадсангүй. Ингээд 4600 орчим метрийн өндөр сүүлийн арга болох шүхрээр үсэрлээ.