Сталин Ираны шахыг гуйсан нь

ЗХУ болон Их Британийн цэргүүд Иран улсад дайн зарлан Ираны тухайн үеийн шах (шахинашах)Реза Пехлевиг  суудлаас нь буулгасан тухай Дөрвөн өдрийн дайн хэмээх нийтлэлдээ бичиж байсан билээ.

Хэдийгээр энэ шах нь илт Гитлерийн Германы талыг баримталж байсан, түүнийхээ төлөө огцорсон боловч оронд нь хүү нь болох Мохаммед Реза Пехлеви шах болжээ. Магадгүй болгожээ гэж хэлэх ёстой ч байж болох. Шинэ шах тэр даруй л ЗХУ болон Их Британтай шинэ гэрээ байгуулан, Германы эсрэг дайнд нь тус дэм болох үүрэг хүлээж,  бүр Германд дайн зарлах мэтээр  шинэ холбоотнуудынхаа өмнө тал засаж байгаа гэж жигтэйхэн.