Норвегийн хамгийн “харгис” шорон

2011 онд 77 хүнийг буудан алж, 151 хүнийг хүнд хөнгөн шархдуулсан Андерс Брейвик гээчийг дэлхий даяараа мэднэ. Тэр олон хүн хөнөөсөн энэ нөхөр 21 жилийн ял авсан бөгөөд одоо Норвеги дахь “Ила” хэмээх шоронд хоригдож байгаа юм.

Хоёр гурван жилийн өмнө энэ хүн өөрийн хоригдож байгаа нөхцөлийг “тарчлаан зовоох хамгийн хүнд хэлбэр” хэмээн нэрлэсэн бөгөөд “өөртэй нь яг л мал мэт харьцаж” байгааг эсэргүүцэн өлсгөлөн зарлах тухайгаа мэдэгдэж байсан билээ.