Олимпын аварга бүсгүй

Олимпын аварга! Энэ бол дэлхий дахинд онцгой утга агуулгатай үг билээ. Биеийн тамир спортын гарамгай амжилт төдий бус улс орны нэр хүнд, хүч чадлыг илэрхийлсэн нэгэн том алдар. Монгол улсад Олимпын найдлага хэмээх үг цагтаа маш их дэлгэрсэн байсан бөгөөд тэр үед Монголчуудад олимпын аварга байгаагүй учраас хэзээ нэгэн цагт аварга төрөх л болно гэж найдан явсныгаа ийм үгээр илэрхийлж, энэ нь бүр амьдралын бүх л нөхцөл байдалд хэрэглэдэг үг болж хувирсан байсан цаг үе бий. Нийт Монгол түмний  энэ их найдлагыг Найдангийн хүү анх биелүүлсэн бөгөөд түүнтэй цуг шахам Бадар-Ууган маань бас олимпын аварга болж олон жил хүлээж ,найдаж байсан зүйл маань биелсэн он жил бол 2008 он. Ганцхан Монгол улс ч биш дэлхий нийтээр өөрийн улсын хэн нэгнийг нь энэ аварга цолыг аваасай гэж хүсэж мөрөөдөж, бүр залбирч гуйж явдаг тухай ярих нь илүүц байх.

Гэтэл дандаа ч тийм биш байсан хачин түүх бас байна. Энэ удаа 1900 оны Олимпын тоглолтын үеэр болсон нэг сонин, хачирхалтай явдлын тухай сонирхуулъя.