Олзлогдсон япон нисгэгчийн хувь заяа

Халх голын тэнгэрт -3 цувралдаа 6-р сарын 22 нд болсон агаарын тулалдаанд цохигдон унасан Японы нисгэгч Ётутака Мияжимог Монголын морин тагнуулчид Манжуурын нутагт үхэж байхад нь олж олзлон Зөвлөлтийн талд хүлээлгэн өгсөн тухай бичиж байсан билээ. Энэ нисгэгчийн цаашдын хувь заяаны тухай товчхон.

Японы эзэн хааны арми, нисэх хүчин, флотод олзлогдох гэдэг бол хамгийн дээд шившиг. Ийм байдалд хүрсэн хүмүүс зөвхөн цусаараа л нэрээ бага ч гэсэн цэвэрлэх билээ.  Халх голын дайнд Монголын нутагт унасан япон нисгэгчид баригдахын өмнө амиа хорлож, тангаргаа биелүүлэн байсан түүх олон бий.