Онгоцоо хамгаалсаар амиа алдсан үйлчлэгч бүсгүй

Нийтлэлч Чалчаа саарал

ЗХУ-д онгоц хулгайлж, зорчигчдийг нь барьцаанд авсан анхны тохиолдол 1970 оны 10-р сарын 15 нд болсон юм. Урьд өмнө иймэрхүү үйл явдал болж байгаагүй улс орон болохоор тэр үү, зорчигчидийн ачаа хэрэгсэл болон бусад зүйлийг хянах шалгах ямарваа нэг арга хэмжээ авдаггүй, онгоцонд орох хүнийг шалгах гэж байдаггүй, нийтийн тээврийн автобусанд орж байгаа юм шиг чөлөөтэй ордог цаг үе байжээ. Энэ байдлыг далимдуулан хоёр хүн буу, тэсрэх бөмбөг биедээ нуун Батумын нисэх буудлаас Сухуми чиглэлд нисэх онгоцонд суужээ. Нислэг ердөө 30 минут үргэлжлэх богино зайных бөгөөд онгоцонд нийт 46 зорчигч, үүнээс 17 нь эмэгтэй, нэг хүүхэд, багийн гишүүн 5 хүн байв.