Перл Харборыг дайрсны дараа...

1941 оны 12-р сарын 7 ны өдөр Япончууд Америкийн Перл Харбор дахь тэнгисийн цэргийн баазыг бөмбөгдөж ихээхэн хохирол учруулсан тухай олон арван , магадгүй зуугаар тоологдох ном, бүр олон нийтлэл бичигдсэн байх. АНУ-ийн ерөнхийлөгч Рузвельтийн хэлснээр “Америкийн шившиг” болсон энэ бөмбөгдөлтийн тухай олон янзын яриа байдгаас хамгийн хачирхалтай нь Америкийн засаг захиргаа энэ дайралтын тухай өөрсдөө мэдэж байсан, дайралтыг цэргийнхэнд хэлэлгүй хүлээж байсан гэх таамаг бөгөөд нэгэн цагт Англичууд Энигма хэмээх Германы харилцаа холбооны нууц түлхүүрийг тайлж уншсанаа мэдэгдүүлэхгүй гэж Ковентри хэмээх хотыг Германчууд бөмбөгдөлтөд сул тавьж өгсөн хэмээх хардлагатай адил энэ таамаг нь түүхчид болон судлаачдын дунд одоо хүртэл маргаан тарьж байдаг аймшигт түүхийн нэг билээ.