Сайгон дахь цаазын ял

"Гэрэл зураг түүх өгүүлнэ" гэсэн гоё ганган үг хэллэг энд тэнд хааяа харагддаг.

Нийтлэлч Чалчаа саарал

“Гэрэл зураг түүх өгүүлнэ” гэсэн гоё ганган үг хэллэг энд тэнд хааяа харагддаг. Харин Пулитцерын шагналт, алдартай гэрэл зурагчин Эдди Адамс нь “гэрэл зураг гэдэг бол зөвхөн хагас үнэн юм” гэж хэлсэн түүхтэй. Энэ хүнд ингэж хэлэх эрх бий.

XX-р зуунд болсон олон том дайн тулалдааны тухай ганц нэгхэн гэрэл зургаар маш олон зүйлийг өгүүлсэн алдартай зураг олон бий. Дэлхийн 1-р дайны үед хорт утаанд хордож, хараагүй болсон цэргүүд нэг нэгнийхээ бүснээс зүүгдэн цуван явж байгаа, амьгүй болсон дүүгээ үүрэн оршуулгын газар ирж байгаа Япон жаахан хүү, Холбоотны цэргүүд Нормандын эрэг дээр бууж байгааг авсан Капагийн зураг, Зөвлөлтийн комиссар цэргүүдээ давшилтад уриалан босож байгаа үе...