Суэцийн хоолойд гацсан 15 хөлөг онгоц

Нийтлэлч Чалчаа саарал 

Урьд өмнө харж байгаагүй нэгэн сонирхолтой түүхтэй таарсныгаа та бүхэнд хүргэх гэж товчлон орчууллаа.

1967 оны 6-р сарын 5.

Дэлхийн түүхэнд зургаан өдрийн дайн гэж алдаршсан дайн энэ өдөр эхэлж Израилийн нисэх хүчин Арабын орнуудын нисэх хүчин, цэргийн дэд бүтцэд цохилт өгч эхэлжээ.

Суэцийн суваг. Энэ сувгийн амьдрал ердийнхөөрөө л үргэлжлэн дэлхийн улс орнуудын худалдааны хөлгүүд нааш цаашаа зөрөн сүлжилдсээр л байлаа.  Гэтэл дайн эхэлж Израилийн дайралт маш эрчтэй байсан учир Египетийн засаг захиргаа яаран Суэцийн сувгийг хаалттай бүс хэмээн зарлаад, еврейчүүдэд энэ чухал сувгийг ашиглуулахгүйн тулд орох гарах хэсгүүдэд томоохон усан онгоцыг живүүлж таг битүүлж авлаа.