Цавчуулсан толгой ба гильотин

1536 онд цаазын зандалчин нь Хенрих VIII хааны хатан Анна Болейны толгойг цавчин тасчаад цугласан олонд өргөж үзүүлжээ. Энэ үед хатны уруул ямар нэг юм хэлэх гээд байгаа юм шиг өмөлзөн татвалзаж байсныг олон хүн анзаарсан байна. Дараа нь зандалчнаас энэ тухай асуухад өнөөх нь “цаазлуулсан хүний толгойг зүгээр нэг өргөдөг юм биш. Их биенээсээ салсан толгойг ард түмэн хараад яаж баярлаж, айж хэрдхийж байгааг тэр толгойд өөрт нь харуулах гэж тэгдэг юм шүү” хэмээн хариулсан гэдэг. Нэг ёсондоо их биегүй болсон мухар толгой нь нэг хэсэгтээ юм харж, ойлгох чадвартай гэсэн санаа бололтой.

1792 оноос эхлэн Францчууд хүний толгойг тастах илүү “хүнлэг” арга болох гильотиныг ашиглаж эхэллээ. Энэ аргын онцлог нь хүний амийг агшин зуур тастах учир илүү хүнлэг гэж нэрлэсэн бололтой.