Цөмийн бөмбөгдөлтөд хоёр удаа өртсөн хүн

1945 оны 8-р сарын 6 ны өдөр Мицубиши компанийн ажилтан Цутому Ямагути хэмээх инженер Хиросима дахь томилолтоо дуусган, сүүлчийн өдрийн ажлаа хүлээлцэн өгч байлаа.

Нийтлэлч Чалчаа саарал

1945 оны 8-р сарын 6 ны өдөр Мицубиши компанийн ажилтан Цутому Ямагути хэмээх инженер Хиросима дахь томилолтоо дуусган, сүүлчийн өдрийн ажлаа хүлээлцэн өгч байлаа. Бушуухан ажлаа өгчхөөд ард хоцорсон гэр орон дахь эхнэр хүүхдэдээ өгөх бэлэг авах гэж яарсаар. Энэ үед тэнгэрт онгоцны дуу сонсогдоход Ямагути гаран хартал ганцхан B-29 нисэж явна.

“Ашгүй тагнуулын онгоц бололтой, бөмбөгдөх байсан бол юу гэж ганцаараа нисэв” гэсэн юм бодохтой зэрэгцэн уг онгоцноос нэгэн том бөмбөг унаж эхэлсээр газраас 500 гаруй метрийн өндөрт гэнэт тэсрэн хэдэн зуун нар гэнэт гарах шиг хурц гэрэл гаргалаа. Ямагути зөнгөөрөө хажууд байсан шуудуу руу унаж байхдаа дээгүүр нь асар хүчтэй дэлбэрэлтийн долгион өнгөрөхийг мэдэрсэн байна.