Цуут шатарчин сүнстэй өрөг тавьсан нь

ЗХУ-ын шатрын дөрвөн удаагийн аварга, Европын таван удаагийн аварга Виктор Корчной Швейцарьт 30 илүү жил аж төрсний эцэст өнгөрсөн жил насан эцэслэсэн. Цагтаа дэлхийн аваргын титмийн төлөөх Зөвлөлтийн их мастеруудын гол өрсөлдөгч явсан түүнийг 80-аад оны үед сүнстэй шатар тоглосон гэдэг билээ.

Үнэмшихэд бэрх ч гэсэн шатарчдын дунд ийм нэгэн яриа байдаг. Тэр бүү хэл тухайн үедээ энэ явдал хэвлэл мэдээллээр ч бичигдэж, ихээхэн дуулиан дэгдээж байсныг манай хуучны зарим хүмүүс санах байх.