Үхэшгүй эр

Их Британийн офицер 20-р зууны олон дайнд оролцож, олон удаа шархдаж явсан нэгэн алдартай эр бий. Тэр хүний нэр нь Адриан Картон де Виарт.

1880 онд Бельгид, сурвалжит гаралтай гэр бүлд төрсөн энэ эр Египетэд өсөж, Оксфордод элсэн орж бас нэг эрхэм дээдэс болох шахсан боловч өөрийн насыг худал хэлж байж цэрэгт явжээ. Цэрэг арми гэдэг бол түүний мөрөөдөл байлаа. Ямар сайндаа л дэлхийн 1-р дайны дараа түүнээс дайн гэж ямар аймшигтай зүйл байдаг талаар яриулах гэхэд “ үнэнийг хэлэхэд дайн, дайтах гэдэг бас л аятайхан зүйл шүү” гэж хэлсэн байхав.