Үл үзэгдэх байлдааны онгоц гэж...

(уншигчдын хүсэлтээр) Хэвлэл мэдээллийн зарим хэрэгслээр хаа нэгтээ үл үзэгдэх онгоц байлдааны даалгавар биелүүлж, "дуунаас хурдан пуужин" амжилттай туршиж байгаа тухай янз бүрийн мэдээлэл харж…

Stealth сөнөөгч онгоцнууд

Нийтлэлч Чалчаа саарал

(уншигчдын хүсэлтээр)

Хэвлэл мэдээллийн зарим хэрэгслээр хаа нэгтээ үл үзэгдэх онгоц байлдааны даалгавар биелүүлж, “дуунаас хурдан пуужин” амжилттай туршиж байгаа тухай янз бүрийн мэдээлэл харж байсан нь мэдээж. Тэр тусмаа сүүлийн үед.

Гэтэл дуунаас хурдан пуужин туршсан тухай (жишээ нь Оросууд Циркон пуужингаа саяхан зэвсэглэлд авах шийдвэр гаргасан) тиймэрхүү мэдээлэл нь үнэндээ холион бантан байх нь олон тохиолдох бөгөөд дууны хурднаас илүү гарсан хурдтай пуужин байтугай ийм хурдтай иргэний агаарын тээврийн нисэх онгоцыг (Ту-144, Конкорд) 50-60 жилийн өмнө хийгээд, ашиглаад...одоо больчхоод байж байдаг. Уг нь бол дуунаас хурдан биш харин дуунаас хэт хурдан (hypersonic-англ, гиперзвук-орос) пуужингийн тухай яриад байгаа юм шүү дээ.