West Ford төсөл

1960-аад онд АНУ дэлхийн тойрог замд сая сая зэс зүү цацав. Холбоогоо тасалдуулахгүйн тулд бодсон гайхмаар шийдэл.

Нийтлэлч Чалчаа саарал

1960-аад оны үед Европ Америкийг холбосон телефон кабель нь Америкийн цэрэг дайны хүрээнийхэн, улс төрийнхний сэтгэл зовоосон нэгэн зүйл болон хувирчээ. 1950-аад оноос Европ Америкийн цэргийн холбоог чухам энэ кабель болон ионосферээр дамжих радио холбоогоор барьдаг байсан бөгөөд ЗХУ-тай дайн, мөргөлдөөн болсон тохиолдолд хамгийн түрүүнд энэ кабелийг “Оросууд” сүхээр ч юмуу, гүний бөмбөгөөр ч юм уу тас татаж хаях нь ойлгомжтой эмзэг зүйл байв. Радио холбооны хувьд байгалийн янз бүрийн эрхшээлд ордог, тэгээд ч Америкчууд цөмийн дайны үеэр тропосфер-д тэслэх хэд хэдэн цөмийн дэлбэрэлтээр дайсны аливаа радио холбоог ажиллах боломжгүй болгох төлөвлөгөөтэй бөгөөд энэ нь өөрт нь ч бас нөлөөлөх болно. Бас муухай санаатай муу” Оросууд “ ч мөн ийм төлөвлөгөөтэй байж болзошгүй гэдгийг тагнуулынхан анхааруулж байдаг. “Ивануудад ийм эрх байхгүй ч тэд бас цөмийн бөмбөг тэсэлж Европын холбоотнуудтай холбогдох аргагүй болгоно гэдэг бараг л ойлгомжтой зүйл” гэж үзсэн цэргийнхэн илүү найдвартай холбоотой байх арга техник хайж байлаа.