Жексон Реффит vs Павлик Морозов

Эцэг эхийгээ барьж өгсөн “урвагчид”

АНУ-ын иргэн Жексон Рефитт, Зөвлөлтийн 14 настай хүү Павлик Морозов нарын түүхэнд нэгэн адил зүйл байдаг нь эцэг эхээ засаг төр, цагдаа нарт барьж өгсөн явдал юм. Өөрийн төрсөн эцгийг цагдаад барьж өгсөн урвагчийг муулах шиг амархан юм үгүй боловч алив зүйлийн нарийн ширийнийг тодруулахад олон хачирхалтай зүйл гарч анхны бодлыг үндсээр нь өөрчлөх нь олон тохиолддог. Ингээд  эдгээр “урвагчдын” тухай.

Жексон Рефитт (Jackson Reffitt)

АНУ-д саяхан болсон үйл явдлын дараа Жексон Рефитт хэмээх 18 настай хүү ихэд алдаршлаа. Түүний эцэг нь Капитолийг дайран эзэлсэн үйл ажиллагаанд оролцсон бөгөөд харин цагдаа нар үүнийг нь мэдэлгүй өнгөрч. Ингээд улс орон даяар Капитолийг дайрсан хүмүүсийг олж, баривчилж байх үед Жексон Рефитт нь Холбооны Мөрдөх Товчоонд хандаж өөрийн эцгийн хамаг муу муухайг нь дэлгэж баривчлуулжээ.