Жинхэнэ Индиана Жонс Отто Ран

Жон Престон Спилбергийн баатрыг төрүүлсэн Нацистын археологичийг харж, найруулагчийн мөрөөдөж ч байгаагүй этгээд хачин түүхийг олжээ. 

Отто Ранын богинохон амьдарлаас бид маш багыг л мэднэ. Гэхдээ хэн нэгний түүний талаар итгэлтэй хэлж чадах ганц зүйл бол тэр Харрисон Фордтой огтоос адилгүй. Ран бол жижигхэн, ширүүн царайтай, эргэлзсэн төрхтэй, жижиг шүднүүд, цэвэрхэн тосолсон үстэй нэгэн байсан ба Фордын хамгийн алдартай дүр болох Индиана Жонсын хувьд урам зоригоор бий болгосон нь эргэлзээгүй.

Ран бол Жонсын адил археологич байсан бөгөөд түүний адилаар Нацистуудыг жигшдэг, мөн Ариун Тагшийг (Христийг цовдлох үед цусыг нь хийсэн аяга) олох адал явдалд бүрэн автсан нэгэн байв. Ялгаатай нь энэ аялал Жонсыг их алдар нэрт хүргэсэн бол Ран өөрийн амьдарлаараа хохирсон юм. Ран бол маш хачирхалтай, этгээд нэгэн байсан. Тэр бол мөрөөдлөө биелүүлэх гэж төсөөлж байсан бүх нөөцийг авах аймшигтай Фаустын гэрээнд өөрөө явж орсон хүн юм. Хариуд нь тэр дэлхий дээр сүүлийн 2000 жил үзэгдээгүй, ер нь байдаг эсэх нь тодорхойгүй тэр нэгэн зүйлийг олж авах байв.