Жолооч, засварчин хатан хаан

Нийтлэлч Чалчаа саарал

1940 онд буюу дэлхийн 2-р дайн дүрэлзэн асаж байсан тэр цагт Елизавета гүнж хүүхдээрээ байлаа. Их Британийн хааны ордон Букингем хүртэл бөмбөгдөлтөд өртөж байсан тэр үед хаан Жорж VI-г гэр бүлийнхэнтэй нь цуг Канад руу, аюулгүй газар аваачих зорилготой томоохон ажиллагааг тусгай албадууд бэлдэж эхэлжээ. Гэтэл хатан Елизавета нь үүнийг мэдээд: ”Хүүхдүүд надгүйгээр хаашаа ч явахгүй. Би бас хааныг орхиод явж чадахгүй. Харин хаан хэзээ ч эх орноо орхиж явахгүй” хэмээн хэлж байсан гэдэг.

Ингэж хааны гэр бүлийнхэн нь дайны хүнд хүчрийг ард түмэнтэйгээ мөр зэрэгцэн туулж эхэлсэн бөгөөд энэ нь Британийн цэргүүдэд ихээхэн урам зориг өгсөн гэж түүхчид ам уралдан магтдаг юм байна.