Ангол Улс, албан ёсоор Бүгд Найрамдах Ангол Улс нь баруун өмнөд Африкт оршдог улс. Өмнө талаараа Намиби, хойд талаараа Ардчилсан Конго, зүүн талаараа Замби улсуудтай хиллэнэ. Баруун хэсгээр нь Атлантын далай хүрээлдэг байна. Тус улсын салангид нутаг дэвсгэр болох Кабинда нь Конго болон Ардчилсан Конго Улстай хиллэдэг.
Тусгаар тогтнол
Ангол нь 16-р зуунаас эхлэн 1975 он хүртэл Португалын далайн чанадын нутаг дэвсгэр гэж нэрлэгдэж байсан. Харин 1975 онд тусгаар тогтнолоо зарлаж, 1976 оны 12-р сарын 1-нд НҮБ-ын гишүүн орон болжээ.
Каландула
Африк тивийн хамгийн том хүрхрээнүүдийн нэгээр тооцогддог Каландула усан хүрхрээ нь Ангол улсад байдаг. 105 метр өндөр, 400 метр өргөнтэй. Каландула хүрхрээ нь Африкт Виктория хүрхрээний дараа орох хоёр дахь том хүрхрээ юм.
Португал хэл бол Анголын албан ёсны хэл юм
Ангол 1975 онд Португалиас тусгаар тогтнолоо зарласан ч тус улсын колони байсан түүхийн улмаас Анголын албан ёсны хэл нь португал болжээ. Гэсэн хэдий ч олон төрөлх хэл нь хадгалагдан үлдсэн бөгөөд тэдгээр нь Умбунду, Кимбунду, Киконго, Чокве зэрэг аж.
Киссама үндэсний цэцэрлэгт хүрээлэн
Ангол дахь Киссама үндэсний цэцэрлэгт хүрээлэн нь тус улсын жуулчдын сонирхлыг татдаг олон газруудын нэг юм. Хэдийгээр энэ нь сафари шиг зэрлэг ан амьтадтай, алдартай газар биш ч анааш, заан, Африкийн алтан муур, турако, тахь зэрэг амьтдын өлгий болсон нутаг юм.
Харлаг гөрөөс
Харлаг гөрөөсний энэ төрлийг устаж үгүй болсон гэж үздэг байсан ч хожим нь Анголоос олдож, тус улсын үндэсний баялаг хэмээн үзэх болжээ. Харлаг гөрөөсний эвэр нь 2 метр хүртэл урт ургадаг байна.
