Гэрэл зурагчин Том Хасси нэгэн сонирхолтой төсөл хэрэгжүүлжээ. Тэрээр Дэлхийн хоёрдугаар дайны гэрч болсон ахмад настныг залуу насанд нь эргүүлэн аваачжээ. Мэдээж хэрэг чаддаг ур чадвараараа буюу гэрэл зургийн аргаар л даа. Гэхдээ зүгээр нэг залуу цагийн гэрэл зурагтай нь харьцуулаад зогссонгүй фотошоп програм, өнгө будгийн хоршлыг нь гайхалтай төгс болгон залуу насанд нь очсон мэт болгосон олон ахмадын сонирхлыг татжээ. Ингээд Том Хасси цаг хугацааг буцааж олон ахмадыг залуу насанд нь аялуулсан байна.